આજે ફરી ચમનમાં

When do we think of God? Enjoy!

આજે ફરી ચમનમાં, તારી ખબર મળી છે
ડાળી અને પવનમાં, તારી ખબર મળી છે

ધરતી અને ગગનમાં, તારી ખબર મળી છે
મૃત્યુ અને જીવનમાં, તારી ખબર મળી છે

પાસે ભલે બધું છે, કોઈ કશે કમી છે
વ્યાકુળ થયેલ મનમાં, તારી ખબર મળી છે

મસ્તક કરી ને ઉપર, દોડી બધે રહ્યોતો
ઠોકર, કશે પતનમાં, તારી ખબર મળી છે

રસ્તો બીજા બતાવ્યે, મળતો કદી ના તારો
એમજ કદી મનનમાં, તારી ખબર મળી છે

જેને કહીતી પાગલ લોકોએ, ને દિવાની
મીરાના મન મગનમાં, તારી ખબર મળી છે

છાબો ભરીને આશા, મળવા તને ગયોતો
નિર્મોહ શા નમનમાં, તારી ખબર મળી છે

હિમાંશુ ભટ્ટ … ૨૦૦૩.